طرق مٌبتكرة للأطفال النشيطين

طرق مٌبتكرة للأطفال النشيطين

كتير من خدام مدارس الأحد بيشتكوا إن فيه أطفال عندهم مش قادرين يقعدوا ساكتين طول الدرس ومش بيركزوا. ممكن بسهولة نحط اللوم على سلوك الطفل، لكن الحقيقة إن الدرس نفسه غالبًا مش مناسب للأطفال اللي بيتعلموا بالحركة والتفاعل. دورنا كخدام مدارس الأحد إننا نساعد كل الأطفال يقربوا من المسيح، يفهموا الإيمان، ويكبروا كتلاميذ ليه. 

طرق إبداعية لتنشيط فصول مدارس الأحد للأطفال:

الهدف الأساسي هو خلق بيئة محفزة وجذابة تخلي كل الأطفال يحبوا الحضور والتفاعل. في طرق ممتعة وتفاعلية تقدر تشد انتباه الأطفال النشطين وتخليهم يتفاعلوا أكتر مع الدروس:
1. تحسين أسلوب سرد القصص:
• القصص أهم جزء في الدرس، لازم تحكيها بأساليب إبداعية علشان تشد الأطفال.
• استخدم صوتك وتعابير وجهك، خليك جزء من القصة.
• خليهم يتفاعلوا بالحركات أو يشاركوا بصوت معين في لحظات معينة.
• زود حركات مع الترانيم واعتمد كمان على الموسيقى.
• خلي الأطفال يمثلوا القصة بدل ما تقرأها لهم.
• خليهم يصرخوا بالكلمات المهمة وأنت بتقرا الكتاب المقدس.
• اعمل مغامرة في الفصل ودور على أدلة من القصة.
ممكن يتملي الفصل صوت عالي، بس هتلاقي الأطفال اللي بيحبوا يتعلموا بالحركة ومهتمين أكتر ومستمتعين بالدروس.
2. استخدام حواس الأطفال في التعليم:
• البصر: صور، خرائط، فيديوهات، ألعاب تفاعلية.
• السمع: قصص، موسيقى، نقاشات.
• اللمس: أنشطة يدوية، الفنون والرسم، ألعاب.
• الشم: استخدام البخور أو النباتات المذكورة في الإنجيل.
• التذوق: أكلات مرتبطة بالدروس زي خبز الفطير في درس العشاء الأخير.
3. عمل وتصوير فيديوهات:
بما إن معظم الأطفال دلوقتي بيحبوا الفيديوهات، ليه ما تخليش جزء من الدرس يكون إنهم يعملوا فيديو عن القصة؟
• خليهم يدرسوا النص الكتابي.
• يكتبوا سيناريو للقصة.
• يمثلوا ويصوروا المشاهد بالموبايل.
• يضيفوا مؤثرات صوتية أو موسيقى.
• يعملوا مونتاج للفيديو.
مش لازم يكون الفيديو احترافي، الفكرة إنهم يتفاعلوا مع القصة ويبدعوا في عرضها. بعد ما يخلص، ممكن تعرضه في الكنيسة أو على جروب مدارس الأحد.
4. استخدام طرق مُبتكرة:
• التجارب العلمية البسيطة المرتبطة بالقصة.
• الطبخ وتجهيز وجبات بسيطة مرتبطة بالقصة.
• الرياضة والألعاب الحركية الجماعية اللي بتربط بين الكتاب المقدس والرياضة.
• استخدام التكنولوجيا والميديا.
5. أهمية البيئة المحيطة:
• المكان اللي بنقعد فيه بيأثر على الأطفال. لو المكان قديم وكئيب هيحسوا بعدم الاهتمام بيهم.
• استخدم ألوان زاهية، نظم الفصول، واهتم بالإضاءة والنظافة.
• علق بوسترات وديكورات مرتبطة بالدروس الدينية.
6. اختيار عنوان مميز (Theme) لفصل مدارس الأحد:
• بدل ما يكون مجرد "مدارس الأحد"، جرب أسماء مميزة زي "مملكة الاكتشاف"، "مغامرات الإنجيل"، أو "غابة الإيمان". وممكن تغير الثيم كل سنة عشان تحافظ على التجديد والإثارة.
• خلي الفصل له اسم مميز عشان يشعروا بالانتماء.
7. خلق علاقة شخصية مع الأطفال:
• الأطفال بيتعلموا من خلال علاقتهم بالخادم قبل أي شيء.
• شاركهم بعض الأمور عن نفسك وحياتك عشان يحسوا بالراحة.
8. المتابعة والتواصل مع الأطفال:
• لو طفل غاب، ابعتله رسالة "وحشتنا وافتقدنا وجودك في مدارس الأحد" على الواتس اب أو مع الأهل.
• شارك الأهل باللي بيتم تدريسه وابعتلهم روابط متعلقة بالدرس.
• خلي فيه جروب فيسبوك. أو واتس أب خاص بخدمة مدارس الأحد.
9. إشراك الأسرة:
• اعمل لقاءات مفتوحة للأهل عشان يعرفوا اللي بيحصل في الفصل.
• ممكن كمان يشاركوا سواء بالحكي عن تجاربهم أو حتى المساعدة في الأنشطة.
• اعمل يوم ترفيهي بيضم الأطفال مع أهاليهم.
10. التغيير والتجديد:
• غير شكل الفصل حسب المناسبات الدينية المختلفة، يعني مثلا شجرة كريسماس وقت الكريسماس.
• خلي عندك ركن للقصة ممكن يكون خيمة أو زاوية ديكورها مختلف.
• خلي الأطفال يمثلوا القصص باستخدام ملابس تنكرية لو في إمكانية.
11. ترسيخ القيم الروحية:
• ادخل لحظات صلاة في وقت الحصة مش بس بداية ونهاية.
• شاركهم في مشاريع خيرية عشان يطبقوا اللي بيتعلموه.

نصائح عامة للتعامل مع الأطفال النشطين:

• خلّيهم يتحركوا، متتوقعش إنهم يقعدوا هادئين طول الدرس زي المدرسة. بدّل بين الجلوس والحركة.
• خلّيهم يتكلموا ويكونوا صوت عالي، وفر لهم لحظات يصرخوا أو يغنوا بصوت عالي بدل ما تطلب منهم يكونوا هادئين طول الوقت.
• خلّيهم يلعبوا، الألعاب والتحديات بتساعدهم يفهموا الدرس بطريقة ممتعة.
الهدف مش بس توصيل المعلومات، لكن إن الأطفال يتفاعلوا مع الدرس، يستمتعوا، ويعيشوا الإيمان بطريقة تناسب طبيعتهم النشطة.