أكتر تحديات بتواجه الأطفال
الأطفال كنوز تحتاج لرعاية وحماية. يواجهون تحديات كالتنمر والإهمال. يحتاجون للحب، التشجيع، التوجيه السليم، والمتابعة المستمرة لضمان نموهم السليم.
أكتر تحديات بتواجه الأطفال
احنا بنكتب عشان نفهم الأول، وبعدها نصلي، وبعدها نعرف إزاي نوجّه الأطفال ونقدر نساعدهم، عشان نعدّي بيهم لبر الأمان، ومع الرب هو اللي بيدينا الحكمة عشان نعرف نتصرف صح.
أهم المشاكل اللي بتواجه الأطفال:
1. سفر الأب لفترات طويلة وانشغال الأم عن الولاد وعدم متابعتهم.
2. المقارنة بين الأطفال سواء في (التعليم - الشكل - الحالة الاجتماعية - المستوى المادي).
3. تهميش الأطفال وعدم الاهتمام بيهم.
4. التمييز بين الأطفال سواء في (البيت - المدرسة - الكنيسة - المجتمع).
5. العنف الأسري من الأهل سواء كان له سبب أو بدون سبب.
6. التنمر من الأهل أو الزملاء.
7. فقدان أحد الوالدين والشعور بالوحدة والحرمان.
8. الإعاقة الجسدية والمعاناة من نظرة المجتمع.
9. التعامل مع الأطفال بفكرة القوي والضعيف في المجتمع، والمجاملات اللي بتظلم بعضهم.
10. العيش في أسرة غير مؤمنة بتأثر على نفسية الطفل وإيمانه.
11. البيوت المشتركة والمشاكل اللي فيها (زحمة - انحياز لطرف على حساب التاني - إيذاء لفظي - تحرش - نقص في الاحتياجات).
12. تدليل الطفل أكتر من اللازم وعدم توجيهه لما يغلط.
13. عدم غرس عادات مفيدة من الصغر، زي الاعتماد على النفس وتحمل المسؤولية.
14. التعامل مع احتياجاتهم بطريقة غلط، سواء بالتجاهل أو الإفراط في الدلال.
إيه اللي الأطفال محتاجينه؟
1. الصلاة دايمًا ليهم عشان الرب يحميهم ويقودهم.
2. دوافع الخدمة تكون نقية من غير مصالح شخصية.
3. لمسات الحب والحنية عشان يحسوا بالأمان.
4. تحفيزهم دايمًا على الحاجات الإيجابية اللي بيعملوها.
5. البعد عن الانتهار والنقد السلبي اللي بيهدم نفسيتهم.
6. قيادتهم لفهم الأمور الروحية عشان يكون عندهم إيمان قوي.
7. التوقف عن النقد الهدام، والتوجيه يكون بطريقة ذكية وباحترام.
8. تفهم أسباب أخطائهم عشان العلاج يكون فعّال.
9. مشاركتهم في حياتهم اليومية لإنه وصية علينا.
10. المتابعة المستمرة بتساعد على بناء جسور تواصل قوية.
11. غرس القيم الحلوة فيهم زي ما عيلة تيموثاوس كانت تقية.
12. نكون قدوة ليهم بصدق وشفافية مش مجرد كلام.
13. وضع قواعد وحدود واضحة لضبط تصرفاتهم وسلوكهم.
14. الكلام يكون صادق ومُحفّز عشان يحسوا بالتشجيع دايمًا.
الأطفال زي الكنوز المدفونة في قاع البحر (العالم)، محتاجين غوّاص ماهر عنده خبرة وصبر يعرف يوصلهم ويطلعهم للنور، وبعد ما يخرجهم، لازم يحطهم في مكان آمن يحميهم من الضياع والسرقة.